Weblog
Friday, 21 August 2009
Thursday, 20 August 2009
-
19-8-2009
突然有一日, 真係完全零活動, 所以我認為只有悶既人先會有「一時興起」既諗法
係自己間房周圍望...有咩係有趣既呢, 明明自己日對夜對...
唔...係你啦!!
我既書桌係一張組合既桌, 即係上面會有個櫃既果D, 我一早就不滿
係上一次「一時興起」已經將佢上面既櫃變左第二樣野啦
今次我既TARGET係書桌既中間部分, 我既目標係改造佢成為我一想要既一層衣櫃
成功既話, 錢都省了
搞到成間房暗晒...
勁多餘既一件野, 所以我一D都唔想要
首先當然係搬佢落黎啦 
好有FEEL既一張 
因為只有天台先可以改傢俱,所以就要搬上去天台但最死既係一條長長既樓梯...其實都係得一層姐~
全靠果兩個窿S 我先搬到上去, 第二日繼續! 勁累啦...
Tuesday, 18 August 2009
-
地鐵
我其實好中意鐵路呢個系統, 並唔係因為我係愛佢,
都唔會因為有新路線, 就趕搭第一班黎倒數
而係因為我覺得係最能表現到城市科技先進與否
MTR同INTERNET係同一道理
愈多線就愈得到多資訊, 愈快就愈方便
細個果陣, 火車路線加埋都係得5條
要由元朗出去就要搭巴士
時代不停咁向前滾, 宜家地鐵已經去到可以稱為四通八達
不過我對某D站有D恐懼
唔係話果D有鬼故既站, 而係果D冇幕門既站
本來我以為係我個人既問題, 但咁多年問左咁多人
發現原來好多人都有我呢種諗法
...
就係好有衝動想衝落路軌...
唔通我地都熱血到以為可以禁停一架地鐵
係既話點解唔試下月台上面既緊急制呢!?
Tuesday, 11 August 2009
-
潔癖
我諗呢樣野係我呀媽教識我
我呀爸同家姐都好似冇咩呢方面既問題
咁當然佢地唔污糟啦~
對我黎講, 其實只要有少少既污糟, 我隻腳就會GET SET GO
所以搭巴士同飛機我唔會坐窗口位
因為成日都覺得果個GAP好多垃圾
以前細個出街會著涼鞋, 去餐廳食野可是我最佳訓練時間
因為十間入面九間個地下都係污糟
所以我全程都會用腹肌拎起對腳黎食物
雖然成日消化不良, 但果陣我都好有線條架~
我認為最污糟既地方係廁所
唔係因為果度係人方便既地方
而係因為果度太濕啦
正所謂「乾淨」嘛, 要乾淨就先要乾!!濕既點會淨呢
所以... 真係唔係好中意落雨...
Tuesday, 04 August 2009
-
會考放榜啦!!
我一d緊張感都冇, 不單只今年同上年
就算係兩年前, 我應屆都冇咩feel
係有少少傍偟, 不過最多兩日
原因係...緊張係冇用既! ya! 絕對冷靜!
對我黎講, 會考只係人為, 唔屬於自然, 所以唔能夠用果個既成績黎代表
尤其是文科, 講主觀野, 就算你好佢都可以話唔好
會考成績好又唔係真係有用, 有例子啦~
會考成績差又唔會生活唔到, 都有例子...
聽到身邊有d人想重考會考, 我能夠話係毫冇意義
我當年都冇考慮過呢個選擇, 正所謂: 高手過招, 一招足夠!
自己會考既實力, 一次就知龍與鳳
加上兩年後, 政府將取消會考呢個公開試
可以取消得既都唔會有幾重要啦~
所以成績差既人都係報其他課程, 發揮自己既所長
自己既人生自己決定
lyh2008hk
-
- Name: lyh2008hk
- Gender: Male
- Member Since: 12/30/2007
